Reiðleiðir kringum Mánagrund

Á aðalfundi félagsins kom upp umræða um að það vanti kort af reiðleiðum í heiðinni fyrir þá sem eru nýgengnir í félagið og þekkja minna til en eldri félagsmenn.

Pétur Bragason var svo vænn að senda okkur nokkrar myndir með uppdregnum slóðum í heiðinni fyrir ofan Mánagrund. Vonum að þessar upplýsingar nýtist félagsmönnum vel.

Hringur fyrir ofan Mánagrund - gulur slóði - er oft blautur framan af vori næst gömlu trönunum, annars hægt að ríða hann megnið af vetrinum.

Hringur samsíða reiðvegi út í Garð - blár slóði - oftast hægt að ríða hann megnið af vetrinum. Er góður grasstígur að mestu leiti.

Hringur að Árnarétt - grænn slóði - vegur að réttinni oft blautur fram á vor, mjög góður áningarstaður. Sjá tengil um Árnarétt hér

Hringur Mánagrund - Garður - Sandgerði - Mánagrund - rauður slóði - Fínir áfangastaðir í Skeifu, Árnarétt og Heiðarbæ. Vegur er glettilega fínn milli Sandgerðis og Garðs.