Reiðhöllin er opin á milli 08:15 til 23:00 alla daga vikunnar nema annað sé auglýst. Minnum á að fólk hirði upp eftir hrossin sín og gangi almennt vel um höllina. Að sjálfsögðu þurfa notendur að vera félagsmenn og vera skuldlausir við félagið.
Reglur í Reiðhöllinni
1. Látið vita áður en teymt er inn á völlinn. Farið á bak og af baki inná miðjum velli en ekki á reiðleiðum í útjaðri vallar.
2. Fetgangur skal riðin á innri sporaslóð þegar aðrir knapar ríða á hraðari gangtegund á ytri sporaslóð.
3. Hægri umferð gildir þegar knapar mætast.
4. Knapi sem ríður bauga á hringnum, eða aðrar hringleiðir inn á velli veitir þeim forgang sem ríða allan völlinn á sporaslóð.
5. Ekki má stöðva hestinn á ystu sporaslóð. Ef stöðva þarf hestinn er best að gera slíkt inn á miðjum velli nema samkomulag sé um annað milli þeirra sem stunda æfingar á vellinum hverju sinni.
6. Forðast skal að ríða þvert í veg fyrir aðra knapa.
7. Fylgja ber hefðbundnum reiðleiðum á vellinum.
8. Ekki skal æfa stökk þegar fleiri en 1 eru á vellinum.
9. Hringtaumsvinnu skal eingöngu vinna í hringgerði. Knapi má einungis hafa einn hest inni hjá sér þegar vinna skal í hringgerði. Knapi skal forðast óþarfa hávaða t.d með pískhljóðum sem gætu truflað aðra knapa.
10. Ekki má hafa lausa hesta á vellinum né binda eða geyma hesta þar.
11. Knöpum er skylt að nota hjálma í reiðhöllinni , sýna kurteisi og tillitssemi og forðast óróa eða hávaða.
12. Öll þjálfun á völlum sem félagið leggur félagsmönnum til er á eigin ábyrgð. Börn undir 18 ára aldri eru á ábyrgð foreldra á vellinum og í húsinu.
13. Hundar eru stranglega bannaðir á vellinum og annars staðar í húsinu.
14. Allir þeir sem nota höllina þurfa að vera félagar í hestamannafélaginu Mána og vera skuldlausir við félagið.
Stjórnin