Reglur reiðhallar Mána

Að sjálfsögðu þurfa notendur að vera félagsmenn og vera skuldlausir við félagið.

Hjálmaskylda er í reiðhöllinni og reykingar eru bannaðar!

ATH stefnt er að því að setja upp myndavélakerfi í húsinu 2026

​

1. Allir þeir sem nota höllina þurfa að vera félagar í hestamannafélaginu Mána og vera skuldlausir við félagið.

2. Knöpum er skylt að nota hjálma í reiðhöllinni , sýna kurteisi og tillitssemi og forðast óróa eða hávaða.

3. Knöpum ber að hreinsa upp eftir hestana sína og eru verkfæri til þess staðsett í reiðsal.

4. Látið vita áður en teymt er inn á völlinn. Farið á bak og af baki inná miðjum velli en ekki á reiðleiðum í útjaðri vallar.

5. Fetgangur skal riðin á innri sporaslóð þegar aðrir knapar ríða á hraðari gangtegund á ytri sporaslóð.

6. Hægri umferð gildir þegar knapar mætast.

7. Knapi sem ríður bauga á hringnum, eða aðrar hringleiðir inn á velli veitir þeim forgang sem ríða allan völlinn á sporaslóð.

8. Ekki má stöðva hestinn á ystu sporaslóð. Ef stöðva þarf  hestinn er best að gera slíkt inn á miðjum velli nema samkomulag sé um annað milli þeirra sem stunda æfingar á vellinum hverju sinni.

9. Forðast skal að ríða þvert í veg fyrir aðra knapa.

10. Fylgja ber hefðbundnum reiðleiðum á vellinum.

11. Ekki skal æfa stökk þegar fleiri en 1 eru á vellinum nema með leyfi viðkomandi knapa.

12. Hringtaumsvinnu skal eingöngu vinna í hringgerði. Knapi má einungis hafa einn hest inni hjá sér þegar vinna skal í hringgerði. Knapi skal forðast óþarfa hávaða t.d. með pískhljóðum sem gætu truflað aðra knapa.

13. Ekki má hafa lausa hesta á vellinum né binda eða geyma hesta þar.

14. Öll þjálfun á völlum sem félagið leggur félagsmönnum til er á eigin ábyrgð. Börn undir 16 ára aldri eru á ábyrgð foreldra á vellinum og í húsinu.

15. Ætíð skal ganga frá búnaði, þjálfunarslám, keilum o.s.frv sé það notað við kennslu/þjálfun.

16. Hundar eru stranglega bannaðir á vellinum og annars staðar í húsinu.

17. Reykingar og notkun áfengis og/eða vímuefna er bönnuð í reiðhallarsalnum.

Stjórnin