Það verður til mikils að vinna á folaldasýningu hestamannafélagsins Sörla í Hafnarfirði sem haldin verður nk. laugardag þann 3. febrúar.  Sýningin verður í reiðhöllinni á Sörlastöðum og byrjar kl. 16:00. Auk glæsilegra verðlaunagripa verða í verðlaun folatollar undir eftirtalda stóðhesta:

-Arður frá Brautarholti

-Ægir frá Litlalandi

-Samber frá Ásbrú

-Óðinn frá Efri-Rauðalæk

-Rammi frá Búlandi

-Galdur frá Grund

-Funi frá Vindási

Frítt inn fyrir áhorfendur!

Þátttaka er öllum opin en nú þegar hafa verið skráð til leiks fjölmörg vel ættuð folöld. Skráning verður á tölvupóstfangið hanness@hi.is og í síma 864-1315. Skráningarfrestur rennur út fimmtudaginn 1. febrúar kl. 22:00. Skráningargjald er kr. 1.500,- fyrir fyrsta folald en kr. 1.000,- ef hver eigandi skráir fleiri en eitt. Koma þarf fram nafn, uppruni, kyn, litur, faðir, móðir og eigandi.